《Ոչ ավանդական նկարչությունը ընթերցանության կողքին》
Ավետիք Իսահակյանի《Մայրիկիս》բանաստեղծությունը ընթերցում ենք, սովորում անգիր և ստեղծագործական ոչ ավանդական նկարչության տեխնիկայի միջոցով փորձում նկարագրել մեր պատկերացումները։
Թեմայի ընտրության արդիականությունն օգնում է երեխաներին ազատ զգալ, յուրովի ընկալել ընթերցանությունը` համատեղելով ոչ ացանդական նկարչության մեջ` տեսնել և թղթի վրա փոխանցել իրենց հույզերը, պատկերացումները ։
Բուն ընթացք `
Նկարում ենք ձեռքերով
Պատկեր ստանալու եղանակը՝ երեխան ձեռքը (ամբողջ վրձինը) թաթախում է գուաշի մեջ կամ վրձինով ներկում և թղթի վրա ձեռքով տպելով՝ դրոշմ անում։ Նրանք նկարում են ինչպես աջ, այնպես էլ ձախ ձեռքերով՝ ներկված տարբեր գույներով։
Այս նկարչական տեխնիկայի հիմքը սովորական թանաքն է: Նկարչության ընթացքում սկզբում ստացվում են ինքնաբուխ պատկերներ։ Այնուհետև երեխան նկարում է մանրամասները՝ իրական պատկերին ամբողջականություն և նմանություն հաղորդելու համար։ Պարզվում է՝ թանաքը կարող է լինել նաև նկարելու միջոց, որի համար ոչ ոք չի կշտամբի, այլ, ընդհակառակը, նաև կգովաբանվի։
Նկարում ենք ցողելով (Набрызг)
Երեխան վերցնում է ներկը ատամի խոզանակի վրա և հարվածում այն ստվարաթղթին, որը նա պահում է թղթի վերևում: Ներկը ցայտում է թղթի վրա։
Նկարում ենք թելերով (Ниткорафия) Ինչպես ստանալ պատկեր. թելերն իջեցնում ենք ներկի մեջ, որպեսզի դրանք հագեցած լինեն, մինչդեռ թելի ծայրերը պետք է չոր մնան։ Թելը պատահական կարգով փռում ենք թղթի վրա, վրան մաքուր թղթով ծածկում, թելի ծայրերը պետք է երևան։ Քաշեք թելի ծայրերը՝ միաժամանակ սեղմելով վերին թղթի թերթիկը։ Նկարեք անհրաժեշտ տարրերը: Այս տեխնիկան մեկ թելով յուրացնելուց հետո կարող եք բարդացնել աշխատանքը և օգտագործել երկու կամ ավելի թելեր։
«Նկարում եմ մայրիկիս»
Նկարել կյանքից, կամ հիշողություններից։ Զրույց է ծավալվում. «Ինչպիսի՞ն է մայրիկը, ինչպիսի՞ մազեր ունի նա, աչքեր, սանրվա՞ծք, սիրելի զգեստը։ Եվ սկսվում է ստեղծագործական գործընթացը:
Տեսակը`
Ստեղծագործական ոչ ավանդական- որոնողական — ուսուցողական- հետազոտական , համագործակցային (սովորողների, ուսուցչի հետ) նախագիծ
Իրականացման ժամանակահատվածը՝ երկշաբաթյա
Նպատակը՝ .
Կրտսեր դպրոցական տարիքի երեխաների գեղարվեստական ստեղծագործության զարգացումը և ստեղծագործական ներուժի ակտիվացումը ոչ ավանդական նկարչական տեխնիկայի կիրառման միջոցով:
Խնդիրները`.
Ձևավորել ստեղծագործական մտածողություն, կայուն հետաքրքրություն գրականության, ընթերցանության, գեղարվեստական գործունեության նկատմամբ. զարգացնել գեղարվեստական ճաշակը, ֆանտազիան, սրամտությունը, տարածական երևակայությունը. ձևավորել ստեղծելու համար անհրաժեշտ հմտություններ. զարգացնել սերը դեպի գրական աշխարհ, դեպի ընթերցանություն. ստեղծագործության միջոցով ստեղծել հուզականություն, ջերմություն դեպի ծնողը Զարգացնող-ուսուցանող՝ Համախմբել և հարստացնել երեխաների գիտելիքները գեղարվեստական ստեղծագործության տարբեր տեսակների մասին.
Օգնել երեխաներին տիրապետել տարբեր նյութերի և նրանց հետ աշխատելու մեթոդներին, համախմբել ձեռք բերված հմտություններն ու կարողությունները և երեխաներին ցույց տալ դրանց կիրառման հնարավորությունները:
Մշակել ստեղծագործական ինքնաիրացում։
Սովորեցնել, թե ինչպես ստեղծել ձեր ուրույն պատկերը՝ օգտագործելով տարբեր` ոչ ավանդական տեխնիկա: Իրականացման վայրը՝ «Մխիթար Սեբաստացի» կրթահամալիր։
Մասնակիցներ՝ 4֊5-րդ դասարանի երեխաներ, նախագծում ընդգրկված՝ կրթարանի դասավանդող
Անհրաժեշտ գործիքները՝
սպիտակ թղթեր, թանաք, գուաշ, պլաստիլին, գունավոր մատիտներ, գունավոր թելեր, ջուր, ձողիկ, hամապատասխան հագուստ (գոգնոց)։
Վերջնարդյունքը՝
Կրտսեր դպրոցական տարիքի երեխաների մոտ նկարչության ոչ ավանդական մեթոդների մասին գիտելիքների ձևավորում, հետաքրքիր ժամանց, հետաքրքիր, յուրօրինակ վերլուծություն ընթերցանության վերաբերյալ` երեխաների ձեռքերով։ Երեխաների կողմից տարբեր տեսողական նյութերի հետ աշխատելու ամենապարզ տեխնիկական մեթոդների կիրառման տիրապետում. տվյալ նախգիծը նպաստում է ձեռքերի փոքր մոտորիկայի զարգացմանը, գեղարվեստական փորձի ընդլայնմանն ու կիրառման հմտություններին, բարելավում է ուշադրության կենտրոնացումը, բարձրացնում է երևակայության և ինքնագնահատականի մակարդակը։