Մի օր կենդանաբանական այգու կապիկները որոշեցին ճամփորդել, աշխարհ ճանաչել: Որոշեցին ու ճամփա ընկան: Գնացին, գնացին, մի տեղ կանգնեցին ու հարցրին.
-Ի՞նչ է երևում:
-Առյուծի վանդակը, փոկի ավազանն ու ընձուղտի տունը:
-Ի՜նչ մեծ է աշխարհը, ու ինչքա՜ն շատ բան ես իմանում, երբ ճամփորդում ես:
Շարունակեցին ճանապարհն ու կանգ առան միայն կեսօրին:
-Հիմա ի՞նչ է երևում:
-Ընձուղտի տունը, փոկերի ավազանն ու առյուծի վանդակը:
-Ի՜նչ տարօրինակ է աշխարհը, ու ինչքա՜ն շատ բան ես իմանում, երբ ճամփորդում ես:
Նորից ճանապարհ ընկան ու կանգ առան արևամուտին:
-Իսկ հիմա ի՞նչ է երևում:
-Առյուծի վանդակը, ընձուղտի տունն ու փոկերի ավազանը:
-Ի՜նչ ձանձրալի է աշխարհը . միշտ նույն բաներն են հանդիպում. ու ճանապարհորդելն էլ ոչ մի բանի պետք չէ:
Ու այդպես, նրանք ճամփորդում էին, ճամփորդում, բայց վանդակից դուրս չէին գալիս, պտտվում էին նույն շրջանում կարուսելի ձիուկի պես:
Առաջադրանքներ
- Լրացրո՛ւ բաց թողնված տառերը:
- Տրված բառերը բառերը բաղադրիչների(մասերի) բաժանի՛ր, ապա որոշի՛ր կազմությունը (պարզ, բարդ, ածանցավոր)՝ կես-օր-բարդ, արև-ա-մուտ բարդ, ձանձր-ալի ածանցավոր, աշխարհ պարզ, ճանապարհ-որդ ածանցավոր
3. Գրի՛ր այգի-պուրակ, ճանապարհ-շավիղ արևամուտ—վերջալույս բառերի հոմանիշները:
4. Գրի՛ր տարօրինակ-բնական գիշեր-ցերեկ, նույն-տարբեր, դուրս գալ-ներս մտնել բառերի հականիշները:
5. Պատմվածքից դո՛ւրս գրիր աշխարհը բնութագրող բառերը:
Ձանձրալի, մեծ, տարօրինակ։
6. Համաձա՞յն ես կապիկների հետ: Ինչպիսի՞ն է քո աշխարհը: Պատմի՛ր:
Ես ամեն օր գնում եմ դպրոց, դասերս եմ սովորում, զվարճանում եմ իմ ընկերների հետ, շաբաթ, կիրակի ես հանգստանում եմ իմ քույրիկների հետ և գնում եմ տարբեր տեղեր։